[2010-06-15]佘詩曼陳浩民衫傳緋聞
SUN娛樂佘詩曼陳浩民衫傳緋聞 馬浚偉興師問罪：你帶住我偷食！
阿佘與陳浩民傳緋聞，馬浚偉竟向她興問罪之師。
佘詩曼經常傳出緋聞，最近她與陳浩民結伴往取衫後，即傳出陳浩民正熱烈追求她，就連在新劇中飾演駙馬的馬浚偉，亦對她興師問罪。
佘詩曼緋聞不絕，之前有指唐文龍向她「鹹豬手」，最近又有報道她與陳浩民一起取衫，陳浩民更趁機向她展開追求。昨午阿佘在電視城為《帝女花》開工，對於此事，她說：「放過我啦！我就冇晒朋友！」阿佘說：「我同浩民同屬一個服裝贊助商，最近老闆話有新貨到，我咪約埋一齊去衫囉！睇我要快搵番個男友來頂一頂，不過依家咁忙，就連周公都見唔到。」
唔要駙馬要馬騮
在《帝》劇中飾演駙馬周世顯的馬浚偉，聽到阿佘又傳緋聞，即打趣說：「衰妹呀！背住我偷食！」合照時又取笑阿佘說：「你唔要駙馬要馬騮？」問馬仔可見過浩民接阿佘收工，他說：「從來冇見過，反而我就送過佢返屋企，唔止佢，我仲送過好多人，好似唐文龍同白茵姐咁，我諗佢係Friend！好彩唔係傳我。
昨日他們拍攝一場離別戲，阿佘熱淚盈眶地送別馬仔，不必滴眼藥水便能谷出眼淚，演技大有進步，她說：「拍第一個劇時我因為集中唔到，要借助眼藥水，之後就唔使！」拍完此劇，阿佘希望可以放假一個月，返美與弟弟度暑假。
頁:
[1]